कात्तिक २०, काठमाडौं । एनएमबि बैंकले गण्डकी प्रदेश केन्द्रीत ‘एनएमबि समृद्ध गण्डकी बचत’ सार्वजनिक गरेको छ ।
ओम डेभलपमेन्ट बैंक र एनएमबि बैंकबीच भएको मर्जरका अवसरमा गण्डकी प्रदेशका ग्राहकहरूलाई विशेष लक्षित गरेर नयाँ बचत खाता ‘एनएमबि समृद्ध गण्डकी बचत’ को घोषणा गरिएको हो ।
एनएमबि र ओमबीचको संयुक्त कारोबार गत असोज ११ गतेबाट सञ्चालन भइसकेको छ ।
उक्त बचत खाताले खातावालाको श्रीमान/ श्रीमती र निजको दुई जनासम्म बालबालिकाका लागि रू.१ लाखसम्मको औषधी उपचार बीमा र थप रू.१० लाखसम्मको दुर्घटना मृत्यु बीमा सहितका विशेषताहरूको प्याकेज उपलब्ध गराउने छ । उक्त खातामा एनएमबि डिलाइट डेबिट कार्ड पनि उपलब्ध छ ।
