काठमाण्डौ । प्रभु बैंकले दसैँमा ग्राहकको सुविधालाई ध्यानमा राख्दै उपत्यका र उपत्यका बाहिर रहेका शाखाहरु असोज २० गते (नवमी) का दिनसम्म आफ्नो काउन्टहरु सञ्चालन गर्ने भएको छ । बैंकले विजय दशमी अर्थात टीकाका दिन असोज २१ गते भने देशभरका शाखाहरु बन्द गर्ने निर्णय गरेको छ ।
बैंकले नवमीसम्म सञ्चालनमा रहने शाखाहरुको नामावली पनि सूचनामार्फत जानकारी गरेको छ । जसअनुसार उपत्यकाभित्रका बबरमहलस्थित मुख्य शाखा कार्यालयसहित कमलादी, जावलाखेल, गोंगबु, खिचापोखरी, सूर्यविनायक, कोटेश्वर, कालिमाटी र बौद्धस्थित शाखा कार्यालयहरु असोज १८, १९ र २० गते पनि खुला रहने जनाएको छ । कमलादी शाखा असोज २ अर्थात टिकाको भोलिपल्ट पनि खुला रहनेछ । यी कार्यालयहरुमा बिहान ११ बजदेखि दिउँसो २ बजेसम्म खुला रहने बैंकले जनाएको छ ।
