एनसीसी बैंकको बोनस पारित भएसँगै पुग्यो राष्ट्र बैंकले तोकेको न्यूनतम चुक्ता पूँजी


Mero Lagani 2076-5-25


Mero Lagani

नेपाल क्रेडिट एण्ड कमर्स बैंक (NCCB) ले अघिल्लो आर्थिक आर्थिक वर्ष २०७४/०७५ को कमाईबाट शेयरधनीहरुलाई वितरण गर्ने प्रस्ताव गरेको १५.८९ प्रतिशत बोनस शेयर पारित भएसँगै बैंकले नियामक निकाय राष्ट्र बैंकले तोकेको न्यूनतम चुक्ता पूँजी कायम गरेको छ। 

बैंकको  भदौ २३ गते सोमबार सम्पन्न आर्थिक बर्ष २०७३/०७४ र २०७४/०७५ को बीसौं र एक्काइसौं वार्षिक साधारण सभाले प्रस्तावित बोनस अनुमोदन गरेको हो। लाभांश पारित भएसँगै एनसीसी बैंकको चुक्ता पूँजी राष्ट्र बैंकले तोकेको ८ अर्ब भन्दा धरै आर्थात ८ अर्ब १३ करोड ३८ लाख ४० हजार ८२२ रुपैयाँ रुपैयाँ पुगेको छ ।

बैंकको केन्द्रीय कार्यालय सिद्धार्थनगरबाट काठमाण्डौंमा स्थानान्तरण गरे पश्चात पहिलो पटक वार्षिक साधारण सभा काठमाण्डौंमा सम्पन्न भएको हो। यसअघि बैंकले भैरहवामा नै आफ्नो साधारणसभा गर्दै आएको थियो। 

Read More
  • Financial Notices