बैंकहरुलाई राहत, २५ प्रतिशत नाफा नघट्ने


Bizpati.com 2076-5-18


Bizpati.com

नेपाल राष्ट्र बैंकले बैंकहरुको २५ प्रतिशत नाफा घट्ने गरि जारि गरेको परिपत्रमा लचकता अपनाउने भएको छ। कारोबारको आकारसंगै नाफा असमेत घट्ने गरि निर्देशिका आएको भन्दै नेपाल बैंकर्स संघले सच्याउन दबाब दिएपछि राष्ट्र बैंक लचकता अपनाउन तयार भएको बताइएको छ।

तत्कालै सच्चाउँदा इमेजमा पनि नकारात्मक असर पर्ने भएकाले राष्ट बैंकले घुमाउरो बाटोबाट निर्देशिकामा भएको ब्याजदर अन्तर (स्प्रेड रेट) को गणना विधिलाई सच्याउन लागेको हो।

पछिल्लो परिपत्रअनुसार नै स्प्रेड रेट गणना हुने तर सो गणनाले बढी हुने स्प्रेड दरलाई घटाउदै लगेर २०७८ असार मसान्तसम्ममा राष्ट्र बैंकले तोकेको स्प्रेड रेट कायम गर्नुपर्ने गरि बैंक वित्तीय संस्था र राष्ट्र बैंकबीच भद्र सहमति भएको बिजपाटीलाई जानकारी प्राप्त भएको छ। राष्ट्र बैंकले दिएको यो 'सहुलियत' ले बैंक वित्तीय संस्थाको कारोबारको आकार पनि नघट्ने र नाफामा समेत असर नपर्ने भएकाले बैंकहरु यो सुविधा मान्न तयार रहेको बताइएको छ।

जस्तो राष्ट्र बैंकको पछिल्लो परिपत्रअनुसारको स्प्रेड रेट गणना बिधिले अहिलेको ४.६ प्रतिशतको स्प्रेड रेट बढेर ५.८ प्रतिशत हुन आउँछ। तर राष्ट्र बैंकले आगामी आर्थिक बर्षभित्र ४।४ प्रतिशतमा झारे हुने सुविधा दिएकाले बैंकलाई मार नपर्ने बताइएको छ।

Read More
  • Financial Notices