कसरी भयो एटीएम ह्‍याक ? राष्ट्र बैंकले थाल्यो अनुसन्धान


Annapurna Post 2076-5-15


Annapurna Post

काठमाडौं : राजधानीमा एटीएम ह्याक गरी पैसा निकाल्ने गिरोह सक्रिय रहेको खुलेपछि राष्ट्र बैंकले अनुसन्धान थालेको छ। राष्ट्र बैंकका प्रवक्ता लक्ष्मी प्रपन्न निरौलाले राष्ट्र बैंकले अनुसन्धान थालेको जानकारी दिँदै आइतबार साँझसम्म प्रारम्भिक निष्कर्षमा पुग्ने बताए।

'हामी यो विषयमा अनुसन्धान थालिसकेका छौँ', प्रवक्ता निरौलाले भने, 'अहिलेसम्म बैंकको सिस्टममा खतरा पुगेको छैन, एटीएम मेसिनको सफ्टवेयरमा मात्र ह्याकरले आक्रमण गरेका हुन्।'  

राष्ट्र बैंकको भुक्तानी प्रणाली विभागले आइतबार साँझसम्म छानबिनको प्रारम्भिक निष्कर्ष ल्याउने उनले बताए। 'त्यसपछिमात्र यसबारेमा केही भन्न सक्छौँ', उनले भने, 'बैंकहरूका सिस्टम सुरक्षित छन्, एटीएमको सफ्टवेयरमा आक्रमण हो, बैंकको सिस्टममा होइन।'

Read More
  • Financial Notices