साउनमा मात्रै ४ हजारभन्दा बढीले लिए पान, सेवाग्राहीको चाप बढेपछि कार्यालय १२ घण्टा खुला


Aarthik Abhiyan 2076-4-29


Aarthik Abhiyan

साउन २९, प्युठान । आन्तरिक राजस्व कार्यालय तुलसीपुरबाट साउन महीनामा मात्रै ४ हजार जनाभन्दा बढीले व्यक्तिगत स्थायी लेखा नम्बर (पान) लिएका छन् । सरकारले साउन १ गतेदेखि १ हजारभन्दा माथिको पारिश्रमिकमा पान अनिवार्य रुपमा लिनुपर्ने व्यवस्था गरेपछि राजस्व कार्यालयमा पान लिनेको सेवाग्राहीको चाप बढेको छ ।

आन्तरिक राजस्व कार्यालय तुलसीपुर दाङका प्रमुख लिलाप्रसाद शर्माले दिएको जानकारीअनुसार मंगलवार (साउन २८ गते) सम्ममा ४ हजार ८१३ जनाले पान नम्बर लिएका छन् । ‘सरकारले पान अनिवार्य गरेपछि कार्यालयमा सेवाग्राहीको चाप बढेको छ,’ उनले भने, ‘अहिले दैनिक २०० देखि ३०० जना पान कार्ड लिन आउछन् ।’ उनका अनुसार गत आव २०७५/७६ मा ३ हजार १६५ जनाले पान लिएका थिए ।

View detail