गत वर्षको आर्थिक वृद्धिदर ७.०५ प्रतिशत


Online Khabar 2076-4-28


Online Khabar

२८ साउन, काठमाडौं । आर्थिक वर्ष २०७५/७६ मा देशमा ७.०५ प्रतिशतको सुखद आर्थिक वृद्धिदर हासिल भएको छ । अर्थ मन्त्रालयले सार्वजनिक गरेको तथ्यांकअनुसार यो पछिल्लो एक दशकमै दोस्रो उच्च आर्थिक वृद्धि हो ।

आव २०७३/७४ मा सबैभन्दा धेरै ७.७४ प्रतिशत आर्थिक वृद्धि भएको थियो भने आव २०७४/७५ को आर्थिक वृद्धिदर ६.३ प्रतिशत रहेको थियो । यसप्रकार, नेपालले लगातार तेस्रो वर्ष ६ प्रतिशतभन्दा माथिको आर्थिक वृद्धि हाँसिल गर्न सफल भएको छ ।

गत आवमा सरकारले १३ खर्ब १५ अर्ब १६ करोड बजेट विनियोजन गरेकोमा त्यसलाई संशोधन गरी बजेटको आकार १२ खर्ब ८ अर्बमा झारियो । तर, बजेट खर्च १० खर्ब ९४ अर्ब मात्र भएको छ । यो संशोधित अनुमानको ९१.२ प्रतिशत हो ।

भूकम्पपछि निरन्तर उकालो

भूकम्प गएको वर्ष नेपालमा आर्थिक गतिविधिहरु नराम्रोसँग प्रभावित भए । जसले गर्दा आर्थिक वृद्धि झण्डै शून्यमा र्झन पुग्यो । भूकम्पपछिको पुनरुत्थान, पुनर्निर्माणको काम शुरु भएपछि अर्थतन्त्रमा सकारात्मक प्रभाव देखिन थाल्यो ।

अर्थ मन्त्रालयका अनुसार त्यसपछिका वर्षमा आशालाग्दो आर्थिक वृद्धि भइरहेको छ । भूकम्प गएको साल आव २०७२/७३ मा आर्थिक वृद्धि मात्र ०.२ प्रतिशत रहेको थियो । लगत्तैको वर्ष २०७३/७४ मा भने ७.७४ प्रतिशतको फड्को मार्‍यो ।

.................

View detail