नेपाल स्टक एक्सचेञ्ज (नेप्से) ले एनसीसी बैंकको १५.८९ प्रतिशत बोनस लाई समायोजन गरेर सोमबारदेखि शेयर कारोबार खुला गरेको छ।
नेप्सेले बैंकले गत आवको मुनाफाबाट वितरण गर्न प्रस्ताव गरेको बोनसको आइतबार शेयरमूल्य समायोजन गर्नुपर्ने भएपनि शेयरमूल्य समायोजन नगरी कारोबार खुला गरेर केही घण्टामा कारोबार रोक्का गरेको थियो।
यससँगै आइतबार भएको बैंकको १२ वटा शेयर कारोबार समेत रद्ध हुने भएको छ। बैंकले नेप्सेलाई दिएको सूचनामा बोनसको बुकक्लोज स्पष्ट रुपमा नखुलाएकाले मूल्य समायोजन हुन नसकेको नेप्सेको दाबी छ ।
आइतबार एनसीसी बैंकको १२ वटा कारोबारमा भएको थियो । शेयरमूल्य समायोजन नभई भएका उक्त कारोबार रद्ध गरिने नेप्सेले जनाएको छ । उक्त कारोबारमा तीन हजार १० कित्ता शेयर ६ लाख ७४ हजार ७०० रुपैयाँ बराबरमा कारोबार भएको थियो।