एलआईसीको बोनस पारितसँगै पुग्यो बीमा समितिले तोकेको पूँजी, गत आवमा साढे १३ अर्ब बीमाशुल्क आर्जन


Mero Lagani 2076-4-24


Mero Lagani

लाईफ इन्स्योरेन्स कर्पोरेशन नेपाल (LICN) ले आर्थिक वर्ष २०७४/०७५ को मुनाफाबाट प्रस्ताव गरेको बोनस पारितसँगै बीमा समितिले तोकेको न्यूनतम चुक्ता पूँजी कायम गरेको छ। साउन २४ गते शुक्रबार सम्पन्न १७ औं वार्षिक साधारण सभाले ३४.४६ प्रतिशत बोनस सहित कूल ७० प्रतिशत लाभांश पारित गरेको हो।

साधारण सभाबाट कम्पनीको चुक्ता पूँजीको ३५.५३ प्रतिशत अर्थात ५३ करोड १२ लाख रुपैयाँ बराबरको नगद लाभांश र ३४.४६ प्रतिशत अर्थात ५१ करोड ५१ लाख रुपैयाँ बराबरको बोनस शेयर गरी कूल एक अर्ब ४ करोड रुपैयाँ बराबरको लाभांश वितरण गर्ने प्रस्ताव पारित भएको हो ।

यस्तै आर्थिक वर्ष २०७५/०७६ मा पनि कम्पनीले प्रथम बीमाशुल्क आर्जनमा ४६.३६ प्रतिशतले वृद्धि भएर कूल बीमाशुल्क आर्जन १३ अर्ब ४१ करोड १७ लाख रुपैयाँ जम्मा गर्न सफल भएको छ।

कम्पनीका अध्यक्ष एम.आर. कुमारले एलआईसी नेपालको १८ औं (आ.व. २०७५/०७६) वार्षिक साधारण सभा पनि यथासक्य चाँडो सम्पन्न गरिने जानकारी दिए। 

Read More
  • Financial Notices