काठमाडौं: सरकारले पूर्वपश्चिम रेलमार्ग सञ्चालन गर्न योजना अघि सारे पनि बीचमै अलपत्र परेको छ। सरकारले साढे ३४ अर्ब रुपैयाँ खर्च गरिसक्दा पनि मुआब्जा र एलाइन्मेन्ट टुंगो लगाउन नसकेको हो।
पूर्वपश्चिम रेलमार्ग झापाको काँकडभिट्टादेखि कञ्चनपुरको गड्डाचौकीसम्म ९२४.९४ किलोमिटर लामो हुनेछ। लिंक मार्गहरूसमेत १ हजार ३ किलोमिटर विद्युतीय रेलमार्ग निर्माणको लागि २०६५-६६ मा आयोजनाको सुरुवात भएकोमा आयोजनाको विस्तृत सम्भाव्यता अध्ययन भने भइसकेको छ।
