वैदेशिक ऋणमा १ खर्ब ६७ अर्बको अतिरिक्त भार, यस्तो छ सरकारको सुरक्षा योजना

विदेशी मुद्राको विनिमय दरमा आउने उतारचढावले वैदेशिक ऋणमा पर्ने जोखिम कम गर्न सरकारले आगामी आर्थिक वर्षको बजेटमार्फत 'हेजिङ फन्ड' स्थापना गर्ने भएको छ।

सरकारले पछिल्ला वर्ष विदेशी ऋणको आकार बढाउँदै लगेका बेला नेपाली मुद्रा कमजोर बन्दै जाँदा ऋणको भार पनि बढ्दै गएको छ। यस्तो अवस्थामा विदेशी मुद्राको मूल्यमा आउने उतारचढावका कारण वैदेशिक ऋणमा पर्ने भार कम गर्न अर्थमन्त्री स्वर्णिम वाग्लेले हेजिङ फन्डलाई प्राथमिकतामा राखेका हुन्।