प्रभु बैंकको नयाँ शाखा ४,२०० मिटरको उचाईमा



Online Khabar

२० साउन, काठमाडौं । प्रभु बैंक लिमिटेडले डोल्पा जिल्लाको शे फोकसुण्डो गाउँपालिका वडा नं. ७ स्थित साल्दाङ्गमा १९२ औं शाखाको रूपमा शे–फोकसुण्डो शाखा कार्यालय र तनहुँ जिल्लाको बन्दीपूर गाउँपालिका वडा नं. १ स्थित डुम्रेमा १९३औं शाखा कार्यालयको रूपमा डुम्रे शाखा कार्यालय सञ्चालनमा ल्याएको छ । सोमवारबाट दुवै शाखा एकैसाथ सञ्चालनमा आएका छन् ।

शे–फोकसुण्डो शाखा कार्यालयको समुद्घाटन शे–फोकसुण्डो गाउँपालिकाका अध्यक्ष टसी तुण्डुप गुरुङ्गले सोमवार  गरे । त्यसैगरी डुम्रे शाखा कार्यालयको समुद्घाट्न बन्दीपुर गाउँपालिकाका अध्यक्ष पूर्णसिंह थापाले सोही समयमा गरे ।

शे–फोकसुण्डो शाखा कार्यालयको समुद्घाटन गर्दै समारोहका प्रमुख अतिथि तथा गाउँपालिका अध्यक्ष टसी तुण्डुप गुरुङ्गले शे–फोकसुण्डो गाउँपालिका भौगोलिक रूपमा नेपालकै अति विकट गाउँपालिकाको रूपमा रहेको बताए ।

यातायात, सञ्चार तथा विद्युत् आपूर्ति समेतको अभाव रहेको गाउँमा प्रभु बैंकको स्वयंको अग्रसरतामा सौर्य ऊर्जाबाट विद्यूत निकाली भि–स्याट प्रविधिको प्रयोग गरी दुर्गम क्षेत्रका बासिन्दाहरूलाई अत्याधुनिक बैंकिङ सेवा उपलब्ध गराउन सक्रियता देखाउनु प्रसंसनीय भएको उनले बताए ।

Read More
  • Financial Notices