गभर्नरमा गुणाकर भट्टको बढ्दो सम्भावना

नेपाल राष्ट्र बैंकको गभर्नर नियुक्ति सम्बन्धमा सत्ता साझेदार नेपाली कांग्रेस र नेकपा एमालेबिच अनौपचारिक सहमति भएको छ। गभर्नर महाप्रसाद अधिकारी कार्यकाल पूरा गरेर बिदा भएपछि सत्ता साझेदार प्रमुख दुई दलबीच सहमति नहुँदा गभर्नर नियुक्त हुन सकेको थिएन।

नेपाली कांग्रेसले दबाब बढाएपछि प्रधानमन्त्री केपी शर्मा ओली नेपाल राष्ट्र बैंकको ऐनअनुसार योग्यता पुगेका व्यक्तिलाई गभर्नर बनाउन सहमत भएका छन्। प्रधानमन्त्री ओली कांग्रेसको सिफारिसमा गभर्नर बनाउन सहमत भएको कांग्रेसका एक पदाधिकारीले बताए। पदाधिकारीसँगको बैठकमा कांग्रेस सभापति शेरबहादुर देउवाले प्रधानमन्त्री ओली गभर्नर कांग्रेसको सिफारिसमा बनाउन तयार भएको जानकारी गराएका थिए।