.gif "NABIL Bank Ads")
लुम्बिनी विकास बैंक लिमिटेडले ग्लोबल मनी वीक २०२५ को अवसरमा देशभरका आफ्ना शाखा कार्यालयहरूमा वित्तीय साक्षरता कार्यक्रमहरूको आयोजना गर्दै आर्थिक शिक्षा र जागरूकता फैलाउने महत्वपूर्ण कदम उठाएको छ। यस वर्षको ग्लोबल मनी वीकको तेह्रौँ संस्करण चैत्र ४ देखि १० गतेसम्म विभिन्न शैक्षिक गतिविधिहरूसँग सम्पन्न भएको हो।
ग्लोबल मनी वीक, जुन सन् २०१२ देखि Organisation of Economic Cooperation and Development (OECD) को समन्वयमा आयोजना हुँदै आएको छ, यस वर्ष पनि विश्वभरिका युवाहरूलाई वित्तीय शिक्षा र योजनाबद्धता र बचतका महत्त्वपूर्ण पक्षहरूमा जानकारी प्रदान गर्न लक्षित गरिएको थियो। यस अवसरमा, लुम्बिनी विकास बैंकले १,००० भन्दा बढी युवा विद्यार्थीलाई बैंकिङ्ग, वित्तीय व्यवस्थापन र डिजिटल बैंकिङ्गका विषयमा विस्तृत जानकारी दिएका थिए।
कार्यक्रमका दौरान, बैंकका कर्मचारीहरूले ‘Think before you follow, wise money tomorrow’ भन्ने नारासाथ वित्तीय साक्षरता र सजगता फैलाउन नेपाल राष्ट्र बैंकका प्रादेशिक कार्यालय र अन्य स्थानीय बैंक तथा वित्तीय संस्थासँग मिलेर प्रभातफेरी कार्यक्रमहरूमा सक्रिय सहभागिता जनाएका थिए। यसले सहभागीहरूमा वित्तीय व्यवहार र निर्णयहरूको महत्त्वलाई थप स्पष्ट बनायो।
लुम्बिनी विकास बैंकको मुख्य उद्देश्य भनेको आर्थिक साक्षरता र समग्र वित्तीय सुदृढीकरणको दिशा तर्फ युवाहरूलाई अग्रसर गर्नु हो। यसका साथै, बैंकले आफ्नो "निरन्तर सहयात्रा" नारा अनुसार, अत्याधुनिक प्रविधिहरू र सुरक्षित बैंकिङ्ग सेवाहरू प्रदान गर्दै, आर्थिक उत्थानका लागि योजनाबद्ध कार्यहरू अघि बढाइरहेको छ।
बैंकले ७ वटै प्रदेशमा ८९ शाखा कार्यालयहरू र एक एक्सटेन्सन काउण्टरमार्फत सेवाहरू उपलब्ध गराउँदै, युवाहरूलाई वित्तीय क्षेत्रका चुनौतीहरू र अवसरहरू बारेमा शिक्षित बनाउँदै आएको छ। यस कार्यक्रममार्फत लुम्बिनी विकास बैंकले युवाहरूको वित्तीय व्यवहार र निर्णय प्रक्रियामा सकारात्मक परिवर्तन ल्याउने लक्ष्य राखेको छ।
ग्लोबल मनी वीक २०२५ को सफल समापनसँगै, लुम्बिनी विकास बैंकले आफ्नो दीर्घकालीन लक्ष्यमा अझ एक कदम अघि बढ्दै, आर्थिक साक्षरता र डिजिटल वित्तीय प्रणालीमा सुधारको निम्ति निरन्तर प्रयास गर्ने प्रतिबद्धता जनाएको छ।
