नेको इन्स्योरेन्सले बोनस पारित गर्न डाक्यो साधारण सभा, चुक्ता पूँजी एक अर्ब ३१ करोड पुग्ने



Mero Lagani

नेको इन्स्योरेन्स (NIL)ले लाभांश वितरण गर्ने प्रस्ताव पारित गर्न भदौं १४ गते साधारण सभा बोलाएको छ। इन्स्योरेन्स सञ्चालक समितिको साउन १० गते बसेको ३७३ औं बैठकले भदौं १४ गते २३ औं वार्षिक साधारण सभा आह्वान गरेको हो।

साधारण सभाबाट बोनस शेयर १२ प्रतिशत अर्थात १४ करोड ११ लाख ५३ हजार रुपैयाँ र कर प्रयोजनको लागि ०.६३ प्रतिशत अर्थात ७४ लाख रुपैयाँ बराबरको नगद लाभांश पारित गर्नेछ ।

इन्स्योरेन्सको हाल चुक्ता पूँजी १ अर्ब १७ करोड रुपैयाँ कायम छ । बीमा समितिको निर्देशन अनुसार न्युनतम चुक्ता पूँजी पुर्याइसकेको इन्स्यारेन्सको लाभांश वितरणपछि चुक्ता पूँजी १ अर्ब ३१ करोड ७४ लाख रुपैयाँ पुग्नेछ ।

साधारण सभा प्रयोजनको लागि इन्स्यारेन्सले भदौ ३ गते शेयर दाखिला खारेज गर्ने भएको छ। त्यस अनुसार भदौ २ गतेसम्म कायम शेयरधनीले मात्रै बोनस लाभांश पाउनेछन्।

Read More
  • Financial Notices