समताको एफपीओमा १४ लाख ३२ हजारले दिए आवेदन, ३५ हजारले पाउने

२० कात्तिक, काठमाडौं । आवेदन बन्द हुँदा समता घरेलु लघुवित्तको एफपीओमा ६०.७ गुणा बढी आवेदन परेको छ । यस कम्पनीको एफपीओमा अनलाइन प्रणालीबाट १४ लाख ३२ हजार ४२० जनाले आवेदन दिएको सीडीएस एण्ड क्लियरिङ कम्पनीले जनाएको छ ।

सीडीएससीका अनुसार ती आवेदकले २ करोड १३ लाख ८ हजार ५७० कित्ता आवेदन माग गरेका छन् । ती आवेदकको २ अर्ब १३ करोड रुपैयाँ बराबर रकम बैंक खातामा रोक्का भएको छ ।