चौतारामा धितोपत्र बजार सचेतना: विश्व लगानीकर्ता सप्ताह अवसरमा ग्लोबल आइएमई क्यापिटलको पहल


  • Shangrila Ads
  • Siddhartha Bank
  • ADBL
चौतारामा धितोपत्र बजार सचेतना: विश्व लगानीकर्ता सप्ताह अवसरमा ग्लोबल आइएमई क्यापिटलको पहल

धितोपत्र नियमन निकायहरुको अन्र्तराष्ट्रिय संगठन (International Organization of Securities Commission, IOSCO) को आह्वानमा विश्व लगानीकर्ता सप्ताह–२०२४ (World Investor Week–2024) यहि मिति २०८१ कार्तिक ६–१२ (तदनुसार अक्टोबर २२–२८, २०२४) सम्म साताब्यापी रुपमा विविध कार्यक्रमहरु आयोजना गरी मनाउने सिलसिलामा नेपाल धितोपत्र बोर्ड तथा नेपाल मर्चेन्ट बैंकर्स संघको समन्वयमा ग्लोबल आइएमई क्यापिटल लि.द्वारा चौतारा बहुमुखी क्याम्पस, चौतारा, सिन्धुपाल्चोकमा २०८१ कार्तिक ९ गतेका दिन धितोपत्र बजारमा लगानी गर्ने लगानीकर्ताहरुलाई लगानी शिक्षा, सचेतना तथा बजार विकास लगायतका बारेमा लगानीकर्ता शिक्षा तथा सचेतना अभिवृद्धि कार्यक्रम सम्पन्न गरिएको छ । 

उक्त कार्यक्रममा ग्लोबल आइएमई क्यापिटल लिमिटेडको तर्फबाट कम्पनी सचिव श्री छविलाल शर्मा पौडेलले पूँजी बजारसँग सम्बन्धित विभिन्न पक्षहरुको बारेमा प्रस्तुति दिनुभएको थियो । कार्यक्रममा प्रमुख अतिथि चौतारा साँगाचोकगढी नगरपालिकाका उप–मेयर श्री सीता थापाले पूँजी बजारसँग सम्बन्धित साक्षरता कार्यक्रमले लगानीको बारेमा आधारभुत ज्ञान प्राप्त गर्ने अवसर मिलेको र शेयरमा लगानी गरेमा बढि भन्दा बढि आय आर्जन गर्न सकिने बताउनुभयो भने अतिथि वडा नं.५ का वडाध्यक्ष श्री शिव श्रेष्ठले विद्यार्थी भाइवहिनीहरुले यस्ता कार्यक्रमबाट शेयरको प्राथमिक बजारमा लगानी गरि अधिकतम लाभ लिनसक्ने बताउनुभयो । त्यसैगरी कार्यक्रमको अध्यक्षता समेत गर्नुभएका चौतारा बहुमूखी क्याम्पसका प्राध्यापक तथा श्रीकृष्ण रत्नगंगा उच्च मा.वि.का शिक्षक श्री हरिगोपाल श्रेष्ठले यस कार्यक्रमबाट आफुले शेयरको बारेमा धैरै कुरा बुझ्न सहयोग मिलेको बताउँदै विद्यार्थी भाइवहिनीहरुलाई विभिन्न कम्पनीले निष्कासन गर्ने शेयरमा लगानी गरेमा फाइदा हुने र पढ्दै कमाउँदै गर्न सकिने धारण राख्नुुभयो । त्यसैगरी ग्लोबल आइएमई बैंक लि., चौताराका शाखा प्रमुख श्री नविन श्रेष्ठले डिम्याट तथा मेरो शेयर खाता खोली पूँजी बजारमा आवद्ध हुन उपस्थित सबैमा अनुरोध गर्नुभयो । 

कार्यक्रममा चौतारा बहुमूखी क्याम्पसका प्राध्यापक, विद्यार्थी तथा कर्मचारीहरु, श्रीकृष्ण रत्नगंगा उच्च मा.वि.का शिक्षक, विद्यार्थी तथा कर्मचारीहरु, विभिन्न पेशा व्यवसायमा आवद्ध व्यक्तिहरु तथा सरोकारवाला निकायको उलेख्य सहभागिता रहेको थियो । विश्व लगानीकर्ता सप्ताहबाट धितोपत्र सम्बन्धी सूचना, गतिविधि तथा महत्वका बारेमा नयाँ लगानीकर्तालाई जानकारी दिन तथा पुराना अनुभवी लगानीकर्तालाई थप प्रोत्साहन गर्नको लागि सिन्धुपाल्चोकको चौतारामा गरिएको उक्त कार्यक्रमले सहयोग पुग्ने विश्वास गरिएको छ ।

  • KBL Ad