अढाई महिनामा १८ सूचीकृत कम्पनीको लाभांश घोषणा

काठमाडौँ । आर्थिक वर्ष २०८०/८१ को अढाई महिना बित्न लाग्दा दोस्रो बजारमा सूचीकृत १७ वटा कम्पनीले मात्रै लाभांश घोषणा गरेका छन् । नेपाल स्टक एक्सचेन्जमा सूचीकृत भएका म्युचुअल फण्ड बाहेक लाभांश घोषणा गर्ने कम्पनीहरूको संख्या सो बराबर रहेको हो । यो अवधिमा २५ वटा म्युचुअल फण्डका इकाईहरूको लाभांश घोषणा भएको छ । यी इकाइसमेत गरी कुल ४२ वटा स्क्रिपको लाभांश घोषणा भएको नेप्सेको तथ्याङ्कले देखाउँछ ।

यसरी लाभांश घोषणा गर्ने कम्पनीमध्ये सुपरमाइ हाइड्रोपावरले यो वर्षको पहिलो बनेको छ । उक्त कम्पनीले भदौ १८ गते ७ प्रतिशत बोनस सेयर र ५.६३ प्रतिशत नगद लाभांश वितरण गर्ने निर्णय गरेको थियो । अपि पावर कम्पनीले सोही दिन ९ प्रतिशत बोनस सेयरको प्रस्ताव गरेको थियो । उक्त कम्पनीले असोज ३० गतेका लागि साधारणसभा बोलाएको छ । यद्यपि विद्युत नियमन आयोगले अपि पावरको प्रस्तावित बोनस सेयर अस्वीकृत गरेको छ ।