आर्थिक वर्ष ०७५/७६ : बजेट कार्यान्वयन असफल


  • Laxmi Sunrise Bank Ad
  • Prabhu Bank Limited (PRVU)
आर्थिक वर्ष ०७५/७६ : बजेट कार्यान्वयन असफल

काठमाडौं : आर्थिक वर्ष २०७५/७६ को बजेट कार्यान्वयनमा सरकारलाई असफलता हात लागेको छ। सरकारले खर्च र राजस्व असुलीमा पनि लक्ष्य पूरा गर्न सकेन। न त अपेक्षाअनुसार वैदेशिक सहायता नै परिचालन हुन सक्यो। नौ खर्ब ४५ अर्ब १३ करोड राजस्वको लक्ष्य लिएको सरकारले आठ खर्ब ३५ अर्ब रुपैयाँ उठाएको छ।

खर्चतर्फ राम्रो प्रतिफलन आउने हुँदा सरकारले विगतदेखि नै राजस्वको लक्ष्य प्राप्तिलाई बजेट कार्यान्वयनको सफलताको सूचकका रूपमा प्रस्तुत गर्ने गरेको थियो। यसपटक राजस्वको लक्ष्यभन्दा धेरै तल नै उक्त सूचक अड्कियो। कर प्रशासनमा लक्ष्यसहितको प्रोत्साहनमूलक व्यवस्था लागू भएयता पछिल्लो दशक राजस्व असुलीमा लक्ष्यको तुलनामा यति ठूलो गिरावट आएको पहिलो हो। कुल बजेट विनियोजन १३ खर्ब १५ अर्ब मध्ये ८३.२ प्रतिशतमात्र खर्च भएको छ। चालु खर्चतर्फ ८ खर्ब ४५ अर्ब ४४ करोड रुपैयाँ विनियोजन भएकोका ८५ प्रतिशत र विकास खर्चतर्फ ३ खर्ब १३ अर्ब ९९ करोड रुपैयाँ विनियोजन भएकोमा करिब ७६ प्रतिशत खर्च भएको छ। दुई तिहाईको शक्तिशाली सरकारले प्रस्तुत गरेको पहिलो बजेटमै सरकारको विकास खर्च पछिल्लो १० वर्षको औसतभन्दा उकालो लाग्न सकेन।

Read More
  • MBL