काठमाडौँ । सीबीआईबीएल सेक्यूरिटिजले आजदेखि सेवा सञ्चालनमा ल्याएको छ । सिटिजन्स बैंकको सञ्चालक समितिका अध्यक्ष प्रबलजंग पाण्डेले उद्घाटन गरेसँगै सीबीआईबीएसल सेक्यूरिटिजले आजदेखि सेवा सुरु गरेको हो ।
बैंक वा वित्तीय संस्थाले आफ्नो शत प्रतिशत स्वामित्व भएको सहायक कम्पनीमार्पत धितोपत्र दलालको रूपमा कार्य गर्न सक्ने व्यवस्था अनुरूप सीआईबीएल सेक्यूरिटिज स्थापना भएको थियो । सीआईबीएल सेक्यूरिटिज कम्पनी रजिस्ट्रारको कार्यालयमा २०७६ जेठ २८ दर्ता भएको थियो । यस्तै, धितोपत्र वोर्डबाट मिति २०८० श्रावण ३२ गते र नेपाल स्टक एक्सचेन्ज लिमिटेडबाट मिति २०८० असोज २९ मा धितोपत्र दलाल नं.९१ सदस्यता प्राप्त भएको थियो ।
