काठमाडौं । नेपाल बैंक लिमिटेड र एक्जिम बैंक इन्डियाबीच सम्झौत भएको छ । नेपाल बैंकले एक्जिम बैंकसँग वित्तीय व्यापार क्षमता अभिवृद्धि गर्ने हेतु ट्रेड एसिस्टेन्स प्रोग्राम (Trade Assistance Program) अन्तर्गत उक्तसम्झौता भएको हो ।
नेपाल बैंक भारतसँगको आयात कारोबारमा सहयोग गर्ने एक्जिम बैंकको साझेदार हुने पहिलो सरकारी बैंक पनि हो ।
नेपाल बैंकको वित्तीय व्यवस्थापन, सुशासन, जोखिम र अनुपालन र दुई देशबीचको चलिरहेको व्यापार कारोबारका विषयमा दुवै बैंकका वरिष्ठ व्यवस्थापनसँगको व्यापक छलफलपछि हस्ताक्षर भएको हो ।
