वाणिज्य बैंकहरुको मङ्सिर १ गतेबाट नयाँ ब्याजदर लागु, हेर्नुहोस् कुन बैंकको कुन खातामा कति पुग्यो?

वाणिज्य बैंकहरुले मङ्सिर एक गतेदेखि लागु हुने गरी नयाँ ब्याजदरको सूचना प्रकाशित गरेका छन्। बैंकहरुले कात्तिकको तुलनामा मङ्सिरमा व्यक्तिगत मुद्दती निक्षेपको ब्याजदर औसतमा ०.३३१६ प्रतिशत र संस्थागत मुद्दतीमा औसतमा ०.३०६६ प्रतिशत बिन्दुले ब्याजदर घटाएका हुन् । 

व्यक्तिगततर्फ २० वटा वाणिज्य बैंकमध्ये १३ वटाले ब्याजदर घटाउँएका छन, ६ वटा बैंकले कार्तिक महिनाकै ब्याजदरलाई कायम गरेका छन् भने एउटा बैंकले मात्रै ब्याजदर बढाएर प्रकाशित गरेको छ ।

अघिल्लो महिनाको तुलनामा अधिकतम १० प्रतिशत मात्रै ब्याजदर घटाउन वा बढाउन पाउने नियमकारी व्यवस्था रहिआएको छ । कात्तिक महिनामा बैंकहरूको औसत ब्याजदर व्यक्तिगततर्फ ९.९६४ प्रतिशत र संस्थागत निक्षेपतर्फ ७.८५२६ प्रतिशत रहेको थियो । व्यक्तिगतभन्दा संस्थागत मुद्दतीमा २ प्रतिशत विन्दु कम ब्याज हुनुपर्ने प्रावधान र रेमिट्यान्स मुद्दतीमा व्यक्तिगत मुद्दतीमाभन्दा १ प्रतिशत विन्दु बढी ब्याज दिन सक्ने नियमकारी व्यवस्था रहिआएको छ ।

२० वटा वाणिज्य बैंकहरुको ब्याजदरको सूचनानुसार माछापुच्छ्रे बैंकले भने केही प्रतिशत ब्याजदर वृद्धि गरेको छ । मंसिरमा ब्याजदर एथावत राख्ने अर्थात कार्तिक कै ब्याजदरलाई निरन्तरता दिनेमा नेपाल बैंक, सिटिजन्स, सिद्धार्थ, लक्ष्मी सनराइज, कुमारी र प्राइम कमर्सियल बैंक रहेका छन् ।
सबैभन्दा धेरै ब्याजदर एनआईसी एशिया बैंकले २.०३५ प्रतिशतले घटाएको छ । मंसिरका लागि एभरेस्ट बैंक, प्रभु, सानिमा, राष्ट्रिय वाणिज्य बैंकले व्यक्तिगततर्फ ९ प्रतिशत र संस्थागततर्फ ७ प्रतिशत ब्याजदर तोकेका छन् । 

हेर्नुहोस् वाणिज्य बैंकहरुको मङ्सिर १ गतेबाट लागु हुने नयाँ ब्याजदर, कुन बैंकको  व्यक्तिगत मुद्दती निक्षेपकाे अधिकतम ब्याजदर कति ?