नेपाल स्टक एक्सचेञ्ज (नेप्से) मा दुई लघुवित्तको बोनस शेयर सूचीकृत भएको छ । मंगलबार माहुली लघुवित्त वित्तीय संस्था (MSLB) र समता घरेलु लघुवित्त वित्तीय संस्थाको बोनश शेयर सूचीकृत भएको हो ।
माहुली लघुवित्त वित्तीय संस्थाको ४ लाख २ हजार ९१.४५२ कित्ता शेयर नेप्सेमा सूचीकृत भएको छ । लघुवित्तले गत आर्थिक वर्षको मुनाफाबाट शेयरधनीहरुलाई वितरण गरेको १४.२५ प्रतिशत बोनस शेयर नेप्सेमा सूचीकृत भएको हो ।
समता घरेलु लघुवित्त वित्तीय संस्थाको पनि ५ लाख १४ हजार ११६.२९ कित्ता बोनस शेयर नेप्सेमा सूचीकृत भएको हो । लघुवित्तले गत आर्थिक वर्षको मुनाफाबाट शेयरधनीहरुलाई १५ प्रतिशत बोनस शेयर वितरण गरेको थियो । उक्त बोनस शेयर नेप्सेमा सूचीकृत भएको हो ।
दुबै लघुवित्तको नेप्सेमा सूचीकृत बोनस शेयर, सम्बन्धीत शेयरधनीहरुको डिम्याट खातामा आएपछि दोस्रो बजारमा किनबेच गर्न सकिनेछ ।
