सरकारी ढुकुटीमा एक खर्ब ६४ अर्ब


  • Laxmi Sunrise Bank Ad
  • Prabhu Bank Limited (PRVU)
सरकारी ढुकुटीमा एक खर्ब ६४ अर्ब

काठमाडौं – अघिल्ला वर्षहरुमा विकास (पुँजीगत) बजेट खर्च गर्न नसक्दा सरकारको ढुकुटीमा नगद बचत हुन्थ्यो। यो वर्ष भने अवस्था विगतको भन्दा फरक छ। विकास मात्र होइन चालु र वित्तीय व्यवस्थापनका लागि विनियोजित बजेटसमेत खर्च नहुँदा ढुकुटीमा एक खर्ब ६४ अर्ब रुपैयाँ थुप्रिएको छ।

सरकारी ढुकुटी व्यवस्थापन गर्ने राष्ट्र बैंकका अनुसार चालु आर्थिक वर्षको दुई महिनामात्र बाँकी (जेठ ३१ सम्म) हुँदा सरकारी कोषमा एक खर्ब ६४ अर्ब रुपैयाँ नगद बाँकी छ।

‘गत जेठ ३१ सम्मको हिसाबमा सरकारी ट्रेजरीमा एक सय ६४ अर्ब रुपैयाँ नगद देखिएको छ,’ राष्ट्र बैंकका प्रवक्ता लक्ष्मीप्रपन्न निरौलाले आइतबार नागरिकसँग भने, ‘कोषमा बढी रकम देखिनुको प्रमुख कारण सरकारको भौतिक प्रगति भएको तर वित्तीय प्रगति नभएकाले हुन सक्छ।’

प्रवक्ता निरौलाले सरकारले काम गरेको तर भुक्तानी नदिएका कारण नगद बचतको अवस्था देखिएको अनुमान गरे पनि सरकारी अधिकारीहरुले यो वर्ष लक्ष्यअनुसार काम गर्न नसकेको बताउँदै आएका छन्।

Read More
  • MBL