बजेटको सङ्घीय संसद् र प्रदेशसभामा चर्को विरोध, किन सत्तारूढ दलकै सांसद सहमत हुन सकेनन्


  • Laxmi Sunrise Bank Ad
  • Prabhu Bank Limited (PRVU)
बजेटको सङ्घीय संसद् र प्रदेशसभामा चर्को विरोध, किन सत्तारूढ दलकै सांसद सहमत हुन सकेनन्

काठमाण्डौ । आगामी आर्थिक वर्षका लागि सङ्घीय सरकारले विनियोजन गरेको बजेट मन्त्रीहरूको निर्वाचन क्षेत्रमा केन्द्रित हुँदा अन्य क्षेत्रको विकास प्रभावित बन्ने भन्दै सतारूढ नेकपाका सांसदहरूले नै विरोध गरेका छन्।

शीर्ष तहका नेता र मन्त्रीहरूको क्षेत्रमा बढी बजेट विनियोजन गरिएको र अन्य क्षेत्रमा ध्यान नदिएको उनीहरूको आरोप छ।

सांसद रामकुमारी झाँक्री भन्छिन्, "प्रधानमन्त्री वा मन्त्रीले सिङ्गो देशलाई नहेरेर आफ्नो निर्वाचन क्षेत्र र जिल्लालाई हेरेको देखिन्छ। देशको नेता बन्ने प्रक्रियामा खरो उत्रिन नसकेर अर्को पटक निर्वाचन जित्ने प्रयोजनले योजना हालेका कारणले बजेटमा समस्या देखिएको हो।"

स्थानीयस्तरदेखि नै योजनाको छनोट हुने परिपाटी नबनेसम्म यस्तो समस्या रहिरहने अर्थविद्हरूको भनाइ छ।

बजेटमा विभेद

तल्लो सदन प्रतिनिधिसभामा सरकारले आगामी आर्थिक वर्षका लागि पेस गरेको बजेटअन्तर्गत मन्त्रालयहरूले विनियोजन गरेका बजेटमाथिको छलफल जारी छ।

सधैँभरि विपक्षी दलका सांसदहरूले आफ्नो क्षेत्रलाई विभेद गरिएको भन्दै मन्त्रालयगत बजेटको आलोचना गर्दै आएका छन्। तर यसपटक विरोध गर्नेहरूमा सत्तारूढ दलकै नेताहरूको सूची लामो देखिन्छ।

 

Read More
  • MBL