काठमाडौँ । सहकारी विभागले समस्याग्रस्त सहकारीहरूलाई राहत मिल्ने गरी नयाँ व्यवस्था गरिदिने भएको छ । विभागले शुक्रबार पत्रकार सम्मेलन गर्दै समस्यामा परेर बचत फिर्ता गर्न नसकेका सहकारी संस्थाहरुलाई समय तोक्न सक्ने व्यवस्थाको घोषणा गरेको हो ।
विभागका रजिष्ट्रार नमराज घिमिरेले सम्पत्ति भएको तर तरलताको समस्याका कारण सदस्यहरुको बचत फिर्ता गर्न नसकेका सहकारी संस्थाहरुले यथावत् (श्वेतपत्र) जारी गर्न र बचत फिर्ताको समय तोक्न पाउने गरी व्यवस्था गरिएको बताए ।