नेपालमा बैंक तथा वित्तीय संस्थाविरूद्ध अनेकौँ अराजक गतिविधि दैनिक बढ्दै गएको छ । बैंक तथा वित्तीय संस्थाका शाखा कार्यालय र कर्मचारीहरुमाथि दुर्व्यवहार गर्ने, लुटपाट गर्ने, कार्यालय बन्द गर्न धम्की दिने जस्ता अराजक गतिविधि र आक्रमण गर्ने जस्ता कार्यहरु दैनानुदिन बढिरहेकोप्रति वित्तीय क्षेत्रका ४ संघले संयुक्त प्रेस विज्ञप्ति सार्वजनिक गरेका छन् । नेपाल बैंकर्स संघ, डेभलपमेण्ट बैंकर्स एशेसिएसन नेपाल, नेपाल वित्तीय संस्था संघ र नेपाल लघुवित्त बैंकर्स संघले संयुक्त प्रेस विज्ञप्ति सार्वजनिक गरेका हुन् ।
