आत्मनिर्भर लघुवित्तको आइपीओमा पर्यो १०४.९० गुणा बढी आवेदन, भर्ने कति भए ?

काठमाडौं  : आत्मनिर्भर लघुवित्तको आइपीओमा १ अर्ब ७८ करोड ८ लाख रुपैयाँ बराबरको आवेदन परेको छ । सीडीएसका अनुसार आज अन्तिम दिन (फागुन १५ गते) सम्ममा १६ लाख ९ हजार ५८६ जनाले १ करोड ७८ लाख ८ हजार कित्ताका लागि आवेदन दिएका छन् । यो सर्वसाधारको लागि बिक्री खुला गरिएको कित्तालाई आधार मान्दा १०४.९० गुणा बढी आवेदन हो ।
 

कम्पनीले फागुन ११ गतेदेखि आफ्नो जारी पुँजीको ६ करोड २३ लाख ३८ हजार रुपैयाँको ३२.६२५% ले हुन आउने २ करोड ३ लाख ३८ हजार रुपैयाँ बराबरको आइपीओ बिक्री खुला गरेको हो । जसअनुसार प्रतिसेयर १ सय अंकित मूल्यमा २ लाख ३ हजार ३८० कित्ता सेयर निष्कासन भएको हो । यसमध्ये १०% अर्थात् २० हजार ३३८ कित्ता सेयर वैदेशिक रोजगारीमा रहेका नेपालीहरुलाई निष्कासन गरिसकेको छ ।