मेवा डेभलपर्स लिमिटेडले आईपिओ निष्काशनको लागि बिक्रि प्रबन्धक चयन गरेको छ । कम्पनीले हिमालयन क्यापिटल लिमिटेडलाई बिक्री प्रबन्धक नियुक्त गरेको हो ।
सम्झौतामा मेवा डेभलपर्सका तर्फबाट प्रबन्ध निर्देशक भानु पोखरेल र हिमालयन क्यापिटल लिमिटेडका तर्फबाट प्रमुख कार्यकारी अधिकृत परमेश्वर पन्तले हस्ताक्षर गरेका छन्।
कम्पनीले प्रति शेयर अंकित मूल्य रु. १००/- को दरले ९२ करोड ७१ लाख रुपैयाँले हुन आउने ९२ लाख ७१ हजार कित्ता साधारण शेयर सार्वजनिक निष्काशन गर्न लागेको हो । जसमध्ये ४६ लाख ३५ हजार ६ सय कित्ता आयोजना प्रभावित क्षेत्रका स्थानीय वासिन्दाका लागि र बाँकी ४६ लाख ३५ हजार ४ सय कित्ता शेयर सर्वसाधारण (सामूहिक लगानी कोष तथा कर्मचारीहरु समेत) का लागि छुट्याइएको छ ।
