धौलागिरि लघुवित्तको आईपीओ बाँडफाँट सम्पन्न, कति जनाले पाए ११ कित्ता ?

काठमाडाैं । धौलागिरि लघुवित्तको आईपीओ बाँडफाँट सम्पन्न भएको छ । बुधवार कम्पनीको शेयर निष्काशन तथा बिक्री प्रबन्धक सनराइज क्यापिटलको कार्यालय, कमलपोखरीमा सो शेयर बाँडफाँट गरिएको हो।

सो आईपीओमा परेको कुल आवेदनमध्ये १८ लाख ६४ हजार ६ सय ४० जनाको आवेदन स्वीकृत भएको छ भने १ हजार २ सय ८६ आवेदन अस्वीकृत भएको छ।

उक्त शेयरमा माग भन्दा बढी आवेदन परेकोले गोलाप्रथामार्फत शेयर बाँडफाँट गरिएको छ। स्वीकृत आवेदनमध्ये ३० हजार ९ सय २९ जनाले १० कित्ताका दरले शेयर प्राप्त गरेका छन्। भाग्यमानी ५ जनाले थप १ कित्ता अर्थात ११ कित्ताका दरले शेयर प्राप्त गरेका छन्।