एसएमईमा लगानी गर्न आईएफसीबाट एनएमबि बैंकले ल्यायो साढे २ करोड डलर

काठमाडौं । साना तथा मझौला व्यवसाय (एसएमई) मा लगानी गर्न एनएमबि बैंकले २ करोड ५० लाख अमेरिकी डलरको ऋण ल्याएको छ । विश्व बैंक समूहको सदस्य आईएफसीबाट तेस्रोपटक आवधिक कर्जा ल्याएको हो । 

बिहीबार राजधानीको एभरेष्ट होटलमा बैंकका प्रमुख कार्यकारी अधिकृत सुनिल केसी र इन्टरनेशनल फाइनान्स कर्पोरेशनको दक्षिण एशिया क्षेत्रीय निर्देशक हेक्टर गोमेज आङबीच उक्त समझदारी आदान प्रदान भएको छ ।