१० महिनामा काठमाडौंका कर्मचारी र जनप्रतिनिधिलाई २५ करोडको भत्ता र सुविधा



Online Khabar

११ जेठ, काठमाडौं । काठमाडौं महानगरपालिकाले चालु आर्थिक वर्ष २०७८/७९को पहिलो १० महिनामा करिब २५ करोड रुपैयाँ भत्ता र सुविधामा खर्च गरेको छ । कर्मचारी र जनप्रतिनिधिले प्रोत्साहन, सुविधा, भत्ता शीर्षकमा मनपरी खर्च गरिरहेको काठमाडौं महानगरपालिकाको तथ्यांकले देखाउँछ ।

२०७४ सालमा निर्वाचित भएका जनप्रतिनिधिहरुले अन्तिम आर्थिक वर्षको रुपमा काम गरेको बितेको १० महिनामा पनि ठूलो रकम सेवा सुविधामै खर्च गरेको पाइएको छ ।

अनुसार १ साउन २०७८ देखि ४ जेठ २०७९ सम्म महँगी भत्ता, कर्मचरीको बैठक भत्ता, कर्मचारी प्रोत्साहन तथा पुरस्कार, अन्य भत्ता, पदाधिकारी बैठक भत्ता, पदाधिकारी अन्य सुविधा र भत्ता शीर्षकमा करिब २४ करोड ८५ लाख १६ हजार खर्च भएको छ । यी भत्तामा कर्मचारी र पदाधिकारीले पाउने तलब र अन्य सुविधा जोडिएका छैनन् ।

Read More
  • Sunrise Bank