राष्ट्र उत्थान लघुवित्तको आईपीओ आइपुग्यो शेयरधनीको डिम्याट खातामा

फागुन २४, काठमाडौं । राष्ट्र उत्थान लघुवित्त वित्तीय संस्था लिमिटेडले निष्कासन गरेको आईपीओ शेयरधनीको डिम्याट खातामा आएको छ । 

आरयूएलबी स्टक संकेतमा डिम्याट खातामा देखिएको हो । कम्पनीले आईपीओको बाँडफाँट गत फागुन १२ गते गरेको थियो ।  कम्पनीको आईपीओमा कुल २५ लाख ८५ हजार २६१ जनाले आवेदन दिएका थिए  । जसमध्ये ५ हजार ८५९ जनाको आवेदन रद्द भएको थियो भने गोला प्रथाद्वारा ७९ हजार ४५० जनाले १० कित्ताका दरले आईपीओ पाएका थिए ।

कम्पनीले फागुन ४ गतेदेखि ८ गतेसम्म ८ लाख ५० हजार कित्ता आईपीओ निष्कासन गरेको थियो । कम्पनीले जसमध्ये ४२ हजार ५०० कित्ता सामुहिक लगानी कोषको लागि, १३ हजार कित्ता कर्मचारीको लागि छुट्याएर बाँकी रहेको ७ लाख ९४ हजार ५०० कित्ता शेयर सर्वसाधारणको लागि निष्कासन गरेको हो ।