माघ २४, काठमाडौं । साताको दोस्रो कारोबार दिन सोमवार बजार खुलेको सवा २ घण्टाको अवधिमा नेपाल इन्फ्रास्ट्रक्चर बैंक(निफ्रा) को शेयरमा लगानीकर्ताको आकर्षण रहेको पाइएको छ ।
उक्त अवधिसम्ममा कारोबारमा आएका २२० ओटा धितोपत्रमध्ये उक्त कम्पनीको सर्वाधिक शेयर खरीद माग रहेको छ । सो अवधिमा कम्पनीको ९ लाख ७८ हजार ३५८ कित्ता शेयर खरीद माग रहेको छ ।
यो समाचार तयार पार्दासम्म कम्पनीको शेयरमूल्य प्रतिकित्ता रू. ३९९ दशमलव ५० मा कारोबार भइरहेको छ । यो शेयरमूल्य अघिल्लो कारोबार दिनको तुलनामा ५ दशमलव १३ प्रतिशतले वृद्धि भएको हो । शेयरमूल्यमा वृद्धि भएसँगै कम्पनीको सर्वाधिक रू. २० करोड २० लाख बराबरको शेयर खरीदविक्री भएको छ ।
