हिमालयन र इन्भेष्टमेन्ट बैंक मर्जमा अख्तियारको धम्की, बोर्डको निर्णय मन्त्री प्रयोग गरेर फेल गराइयो



Aarthik News

काठमाडौं । नेपाल राष्ट्र बैंकले ठूला वाणिज्य बैंक मर्जका लागि लिएको नीति हिमालयन बैंकले फेल पारेको छ । १० महिना अघि हिमालयन बैंक र नेपाल इन्भेष्टमेन्ट बैंक मर्जरमा जाने सम्झौता गरेका थिए । 

कर्मचारी सञ्चय कोषका तत्कालिन प्रमुख प्रशासक तुलसीप्रसाद गौतम अध्यक्ष रहेका बेला करिब १० महिना पहिले हिमालयन बैंक आफैले गराएको डिडिएमा दुबै बैंकको स्वाप रेसियो १ः१ गरेको थियो । उक्त स्वाप रेसियोको आधारमा दुबै मर्जमा जानका लागि सम्झौता भएको थियो । 
सरकार परिवर्तनसँगै कर्मचारी सञ्चय कोषको प्रमुख प्रशासक परिवर्तन भएपछि मर्ज नगर्ने मनसायले कर, डिडिए लगायतका नयाँ नयाँ विषय बाहिर आउन थालेका छन् ।  

हिमालयन बैंकमा झन्डै १४.८५ प्रतिशत संस्थापक शेयर रहेको कर्मचारी सञ्चय कोषभित्र रहेको भ्रष्टाचारका कारण पनि हिमालयन र इन्भेष्टमेन्ट बैंकको मर्जमा असर परेको कर्मचारी सञ्चय कोष स्रोतले बताएको छ । पछिल्लो पटक इन्भेष्टमेन्ट बैंकसँगको मर्जमा आफ्नो असहमति रहेको जनाउँदै बैंक सञ्चालक समितिको गत पुष ४ गतेको बैठकबाट बाहिरीएको थियो ।  

Read More
  • NBB
  • NCC Bank