मर्जर प्रक्रियामा रहेका दुई फाइनान्स कम्पनी नेपाल फाइनान्स र ललितपुर फाइनान्सले असार २७ गतेदेखि एकीकृत कारोबार सुरु गर्ने भएका छन् ।
नेपाल फाइनान्सले ललितपुर फाइनान्सलाई प्राप्तिपश्चात एकीकृत कारोबार सुरु गर्न लागेको हो । प्राप्तिपश्चात यी दूई कम्पनीको एकीकृत कारोबार नेपाल फाइनान्सको नामबाट हुनेछ ।
नेपाल फाइनान्सले १ः१ को स्वाप रेसियोमा ललितपुर फाइनान्सलाई प्राप्ति गरेको थियो । एकीकृत कारोबार सञ्चालन गर्नको लागि दुवै फाइनान्स कम्पनीको विवरणलाई एउटै सफ्टवेयरबाट कारोबार गर्न डाटा माइग्रेसन गर्नुपर्ने भएकाले असार २५ र २६ गते फाइनान्स कम्पनीको सेवा बन्द हुने जनाएको छ ।
