काठमाडौं । एनएमबी लघुवित्त वित्तीय संस्था र एस.बी सोलुसन्सबीच सम्झौता भएको छ । कम्पनीले एसबी सोलुसन्ससँग सहकार्य गरेर क्रेडिट एक्स नामक ऋण अटोमेसन प्रणालीलाई लाइभ गरेको छ । यसले इन्टर्नल ऋण वर्कफ्लो, जोखिम मूल्याकंन, ऋण स्वीकृतिलाई स्वायत्त र डिजिटाइज गर्ने गर्दछ । कम्पनीका तर्फबाट प्रमुख कार्यकारी अधिकृत आनन्द पान्डे र एस.बी सोलुसन्स्का तर्फबाट अध्यक्ष विपुल ढकालले उक्त सम्झौता पत्रमा हस्ताक्षर गरेका हुन् ।
क्रेडिट-एक्स ऋण अटोमेसन प्रणालीको थालनी सँगै, लघुवित्त संस्थाहरूले पूर्ण रूपमा कागज निर्भर ऋण कार्यप्रवाह गर्न सक्षम हुनेछन् । यसले प्रणाली भित्र जोखिम प्यारामिटरहरूको अनुगमन गरेर ऋण लिएका ग्राहकहरूसँग सम्बन्धित जोखिम न्यूनीकरण गर्नलाई पनि सहयोग पुर्याउनेछ । यो नयाँ तरिकाले लघुवित्त संस्थालाई द्रुत गतिमा ऋण प्रक्रिया पूरा गर्न मद्दत गर्दछ । प्रणालीले जमानत र गैर जमानत बेस लोन पनि प्रोसेस गर्ने गर्दछ ।
