काठमाडौंबाहिर पहिलोपटक कर्णाली प्रदेशको राजधानी सुर्खेतमा नेपाल बैंक लिमिटेडले सुरु गरेको डिजिटल महाअभियान प्रभावकारी बन्दै गएको छ। सेवाग्राहीले बैंकबाट छिटोछरितो झन्झटरहित सेवा पाउने भएपछि उक्त अभियान प्रभावकारी बन्दै गएको हो।
डिजिटल महाअभियान चैतको पहिलो साता एक समारोहबीच नेपाल बैंक लिमिटेड सञ्चालक समितिका अध्यक्ष मधुकुमार मरासिनीले सुरु गरेका थिए। महाअभियानअन्तर्गत डिजिटल प्रविधिमार्फत क्युआर कोड (क्विक रेस्पोन्स कोड) एक सय ५० जनाले लिइसकेको नेपाल बैंक लिमिटेड सुर्खेत शाखाले जनाएको छ। यसबाट सेवा लिन सजिलो हुँदा सेवाग्राहीको आकर्षण बढ्दै गएको शाखा प्रमुख गणेश केसीले जनाए।
