सिटिजन लाइफद्वारा ३ वर्ष देखी संचालित “विद्यार्थीसँग बीमा” निकै लोकप्रिय



Rato Pati

काठमाडौं । सिटिजन लाइफ इन्स्योरेन्स कम्पनीले आफ्नो स्थापना काल देखि नै जीवन बीमा व्यवसायलाई विस्तृत रुपमा हरेक नेपालीको पहुँचमा पु¥याइ बीमाको सचेतना बढाउने उद्देश्यले विभिन्न विद्यालय तथा कलेजहरूमा “विद्यार्थीसँग बीमा” कार्यक्रम गर्दै आइरहेको छ ।

कम्पनीका ब्रान्ड एम्बेस्डर मदन कृष्ण श्रेष्ठद्वारा उद्घाटन गरिएको सो कार्यक्रम सर्वसाधारणका लागी निकै नै सचेतना मुलक र लाभदायी देखिएको छ । यस कार्यक्रमले गाउँ–गाउँमा बीमा प्रति जनचेतना जगाउन निकै मद्दत पुगेको कम्पनीले जनाएको छ ।  

जीवन बीमाको दायरा फराकिलो बनाउने उद्देश्यका साथ अघि बढ्दै कम्पनीले पहिलो वर्ष ३० वटा विद्यालय र कलेज गरी करिब ५४०० विद्यार्थी, दोश्रो वर्ष ८७ वटा विद्यालय र कलेज गरी १९ हजार गर्दै अहिले तेस्रो वर्षमा आइपुग्दा करिब ४० वटा विद्यालय र कलेज गरी ७ हजार २ सय भन्दा बढी विद्यार्थीलाई बीमा सम्बन्धी ज्ञान दिइएको कम्पनीले जनाएको छ । बीमा के हो ?, बीमा किन जरुरी छ ?, यसबाट के कस्ता फाइदा लिन सकिन्छ ? र यसका अन्य सम्बन्धित सुरक्षा योजनाहरुको बारेमा सचेत गराउन कम्पनी सफल भएको जनाएको छ । कम्पनीका विभिन्न शाखा कार्यालयहरूले आफ्नो कार्यक्षेत्र अन्तर्गत पर्ने विद्यालय तथा कलेजहरूमा सो कार्यक्रम आयोजना गर्दै आइरहेका छन् ।

Read More
  • Financial Notices