उन्नति सहकार्य लघुवित्तले एफपिओ निष्काशन गर्ने प्रस्ताव सहित साधारणसभा आह्वान गरेको छ । कम्पनीले चैत्र ३१ गते मंगलबार रुपन्देहीको होटेल पौवामा सभा आह्वान गरेको हो ।
सभामा कम्पनीले संस्थापक र सर्बसाधारण शेयरधनीको हिस्सा ७०:३० कायम गर्न एफपिओ निष्काशन गर्ने विशेष प्रस्ताव लैजाने भएको हो । जस अनुसार कम्पनीले १ करोड ३७ लाख २८ हजार बराबरको एफपीओ निष्काशन गर्ने प्रस्ताव गरेको हो ।
त्यस्तै कम्पनीले लाभांश प्रस्ताव पनि सभामा पेश गर्ने छ । कम्पनीले आर्थिक वर्ष ७६/७७ को मुनाफाबाट हाल कायम चुक्ता पुँजीको १७.८१०३८७२१ प्रतिशतले हुन आउने २ करोड ६६ लाख ३३ हजार ५६ रुपैयाँ ३८ पैसा बराबरको बोनस शेयर वितरण गर्ने प्रस्ताव गरेको हो । हाल कम्पनीको चुक्ता पुँजी १४ करोड ९५ लाख ३६ हजार ६ सय ५० रुपैयाँ रहेको छ। कम्पनीको साधारणसभाले पारित गरेपछि लगानीकर्तामा बितरण हुने छ ।