१४ फागुन, काठमाडौं । सरकारको सिफारिसमा राष्ट्रपति विद्यादेवि भण्डारीबाट संसद विघटन गरी मध्यावधि निर्वाचन घोषणा भएपछि सबैभन्दा दवावमा थियो, अर्थ मन्त्रालय । एकातर्फ कमजोर पूँजीगत खर्चका कारण निरन्तर आलोचना भइरहेको र अर्कोतर्फ कोरोना खोपमा लगानी गर्नुपर्ने भएकाले समेत अर्थलाई स्रोतको जोहो गर्न समस्या थियो ।
सोहीकारण अर्थ मन्त्रालयले बजेटको अर्धवाषिर्क समीक्षाकै दौरान समस्याका रुपमा आकस्मिक खर्चलाई उल्लेख गरेको थियो । मन्त्रालयले बजेटको अर्धवाषिर्क समिक्षा गर्दै भनेको थियो, ‘कोरोना भाइरसको खोप र निर्वाचनका कारण मन्त्रालयमाथि आकस्मिक खर्चको दवाव छ ।’