काठमाडौं । फागुन १५ गतेदेखि २८ गतेसम्म साधारण सभाका लागि बुक क्लोज गर्न लागेको स्वरोजगार लघुवित्त वित्तीय संस्था लिमिटेडको लाभांश सुरक्षित गर्ने फागुन १३ गतेनै अन्तिम दिन रहेको छ । बुक क्लोज अघिको अन्तिम कारोबार फागुन १३ गते रहेकाले सो दिनसम्म कायम शेयरधनीहरु मात्र सभामा भाग लिन योग्य हुनेछन् ।
यस कम्पनीले १२ दशमलव ३९ प्रतिशत बोनस शेयर र कर प्रयोजनका लागि शून्य दशमलव ६५ प्रतिशत नगद लाभांश दिने प्रस्ताव गरेको हो । उक्त प्रस्ताव पारितका लागि फागुन २९ गते १२औं वार्षिक साधारण सभा बोलाएको छ । नेपाल प्रज्ञा प्रतिष्ठान, कमलादी, काठमाडौंमा कम्पनीले विहान ११ः३० बजे सभा बोलाएको हो ।