क्रेडिट कार्ड पाएर किसान दंग !


  • Laxmi Sunrise Bank Ad
  • Prabhu Bank Limited (PRVU)
क्रेडिट कार्ड पाएर किसान दंग !

७ माघ, काठमाडौं । अर्जुन अर्याल बुधबार विहान किसान क्रेडिट कार्ड पाएपछि दंग थिए ।  उनी विगत ६ वर्षदेखि काठमाडौंको तारकेश्वरमा ग्रामीण पोल्ट्री एण्ड ब्रेडिङ फार्म सञ्चालन गरिरहेका छन् । उच्च शिक्षा अध्ययनका लागि विदेश पुगेका अर्जुन लामो समय विदेशमै बसे । ७ वर्षको बेलायत बसाइँपछि उनी स्वदेश फर्किएका थिए ।

विदेशमा बगाउने पसिना भन्दा उनले स्वदेशमै मेहनत गर्नु फाइदा देखे । त्यसपछि स्वदेशमै उनी कृषि उद्यममा रमाएका छन् । अहिले पनि उद्यम राम्रै चलिरहेको उनी सुनाउँछन् ।

बैंकबाट लिएको ऋण पनि नियमित तिरिरहेका उनलाई एक दिन बैंकले किसान क्रेडिट कार्डको अफर गर्‍यो । बुधबार ५४ औँ वार्षिकोत्सवको अवसर पारेर कृषि विकास बैंकले उनलाई क्रेडिट कार्ड दिएको छ । व्यवसायलाई राम्रो बुझेका युवा अर्जुन कृषि विकास बैंकले दिएको कार्डले अन्यलाई उद्यम गर्न हौसला मिल्ने बताउँछन् । यसले कृषि उद्यम स्मार्ट हुने उनले प्रतिक्रिया दिए ।

किसानले बैंकबाट ऋण स्वीकृत गराएपछि ऋणको निश्चित रकम कार्डमा लोड गरिन्छ भने किसान एपमा किसानको प्रोफाइल तयार हुन्छ ।

कृषि कर्म गर्नका लागि देशभरका कृषि विकास बैंकका कुनै पनि शाखाबाट ऋण लिएपछि कृषकले बैंकबाट किसान क्रेडिट कार्ड पाउँछन् । किसान क्रेडिट कार्ड हाल सर्वसाधारणले प्रयोग गरिरहेको एटीएम र भिसा कार्डकै आकारमा हुनेछ ।

Read More
  • MBL