पूँजी अभावका कारण घोडीघोडा लघुवित्त मर्जरमा जान बाध्य



Aarthik Abhiyan

पुस २९, धनगढी । कञ्चनपुरको ग्रामीण वस्ती बेलौरीमा कर्पोरेट कार्यालय रहेको घोडीघोडा लघुवित्त वित्तीय संस्था लिमिटेड पूँजी अभावका कारण मर्जरमा जाने प्रक्रिया अघि बढाएको छ । 

लघुवित्त कार्यक्रम मार्फत ग्रामीण समुदायका विपन्न तथा गरीब वर्गको जीवनस्तर माथि उठाउने मुख्य उद्देश्यसहित स्थापना भएको उक्त कम्पनीलाई नेपाल राष्ट्र बैंकले अर्को संस्था प्राप्ति वा मर्जरमा जान निर्देशन दिएपछि मर्जरमा जान बाध्य भएको बुधवार धनगढीमा आयोजित कम्पनीको पाँचौ वार्षिक साधारण सभामा अध्यक्ष प्रभातकुमार चौधरीले बताए ।

१० जिल्ला कार्य क्षेत्र रहेको कम्पनीले सो अवधिसम्ममा कञ्चनपुरमा बेलौरी नगरपालिका बेलौरी, कृष्णपुर नगरपालिका कृष्णपुर, वेदकोट नगरपालिका दैजी शाखा र कैलालीमा गोदावरी नगरपालिका गेटा, जोशीपुर गाउँपालिका जोशीपुर, कैलारी गाउँपालिका हसुलिया, घोडाघोडी नगरपालिका पहलमानपुर, भजनी नगरपालिका भजनी र गौरीगंगा नगरपालिका चौमालामा शाखा कार्यालय स्थापना गरेर वित्तीय सेवा प्रदान गर्दै आएकोमा पूँजी अभावका कारण राष्ट्र बैंकको नियमनअनुसार मर्जरको विकल्प नभएकाले युनिक नेपाल लघुवित्त वित्तीय संस्था लिमिटेडसँग मर्जरमा जाने प्रक्रिया अघि बढेको संस्थाका प्रमुख कार्यकारी अधिकृत कुन्ना नारायण चौधरीले बताए ।

Read More
  • Financial Notices