कोभिडले नेपालमा ल्याएको डिजिटल तरंग



ICT Samachar

सामाजिक दूरी कायम गरेर जीवन बाँचिरहनु पर्दा, अहिले संसारमा प्रविधिको क्षेत्र उन्नत नभएको भए विश्व नै अन्धकारतर्फ ढल्किन पुग्थ्यो ।

अहिले पूरै विश्व नै कोभिड कहरले ग्रस्त बनेको छ । देशहरू कोभिडको खोप खोज्नमा तत्पर रहेता पनि सबै मान्छेको माझमा आइपुग्न अझै पनि महिनौं या वर्षौं लाग्न सक्छ । 

कोभिड महामारीले विश्वका लागि स्वास्थ्यको क्षेत्रमा मात्रै नभएर विभिन्न क्षेत्रहरूमा परिवर्तन ल्याइदिएको छ । कोभिड सकिएपछि मान्छेको जीवनशैलीमा केही परिवर्तन आउने कुरा निश्चित रहेको छ । 

सामाजिक दूरी कायम गरेर जीवन बाँचिरहनु पर्दा, अहिले संसारमा प्रविधिको क्षेत्र उन्नत नभएको भए विश्व नै अन्धकारतर्फ ढल्किन पुग्थ्यो । 

यो अवधिमा छिटो तरिकाले विकास भएको पक्ष भने सूचना र प्रविधिको क्षेत्र हो । केही महिनाको अन्तरालमै सूचना र प्रविधिको क्षेत्रले भने ठूलो फड्को मारेको छ । 

सामाजिक दूरी कायम गरेर जीवन बाँचिरहनु पर्दा, अहिले संसारमा प्रविधिको क्षेत्र उन्नत नभएको भए विश्व नै अन्धकारतर्फ ढल्किन पुग्थ्यो । 

प्रविधिको प्रयोगले जनजीवनलाई सजिलो बनाइराख्दा नेपाल पनि यस तरंगबाट अछुतो रहन सकेको छैन ।

प्रविधि कोरोना नियन्त्रणको साधक 

एक दशकमा पनि सम्भव नभएको कुरालाई कोभिड–१९ ले सम्भव पारिदिएको छ । ईकमर्शको विस्तारदेखि स–साना बालबालिकाको पढाइ या कुनै महत्वपूर्ण सरकारी बैठक, सबै क्षेत्रमा हाम्रो जनजीवनलाई सकेसम्म सजिलो पार्न प्रविधिले नै सहयोग पुर्‍याएको छ ।

कोरोना नियन्त्रणमा नै चीन, सिंगापुर, दक्षिण कोरिया, ताइवान लगायत देशले प्रयोग गरिरहेका प्रविधिहरू उपलब्धिमूलक सावित पनि भएका छन् । 

चीन, दक्षिण कोरिया, ताइवान, सिंगापुर जस्ता देशहरूले कोरोना नियन्त्रण तथा रोकथाममा केही प्रविधिहरू प्रभावकारी रूपमा प्रयोग गरेका छन ।

ब्लुटुथमा आधारित कन्ट्याक्ट ट्रेसिङ, एआई मार्फत रोग पहिचान गर्ने र पूर्वानुमान लगाउने, ब्लकचेन प्लेटफर्मले बिरामी प्रोसेसिङलाई छिटो गर्ने, मेडिकल आपूर्ति पुर्‍याउन ड्रोन, औषधिको विकास गर्न एआई अल्गोरिदम र कम्प्युटिङ पावरको प्रयोग,  खाना तथा औषधि पुर्‍याउन र सरसफाइमा रोबोटको प्रयोगसँगै कोरोना भाइरसको भ्याक्सिनमा सुपर कम्युटिङ लगायतको प्रयोग भइरहेको छ । 

एआई, मेशिन लर्निङ, थ्रिडी प्रिन्टिङ, स्मार्ट इमेजिङ, ब्लुटुथ प्रविधिहरूले रोग पहिचान गर्न, मानिसको ट्रयाकिङ गर्न, मास्क लगाएको छ वा छैन पत्ता लगाउन, सुरक्षा कवज बनाउन समेत भूमिका खेलिरहेको छ । ...

घरबाटै डिजिटल कारोबार 
पछिल्लो समय सबैभन्दा प्रभावकारी र उत्साहजनक प्रयोग भएको क्षेत्र डिजिटल कारोबार पनि हो । अधिकांश बैंकहरूले घरबाटै कारोबार गर्न सक्ने अवस्था सृजना गरेका छन् भने अर्बौंको शेयर खरिद विक्री भौतिक उपस्थितिबिनै सम्भव भइरहेको छ । डिजिटल वालेटहरूको प्रयोग उच्चरूपमा बढिरहेको छ । 
Read More
  • Financial Notices