नेशनल लाइफ इन्स्योरेन्सको १४ प्रतिशत संस्थापक शेयर सर्वसाधारणमा परिणत



Aarthik News

काठमाडौं । नेशनल लाइफ इन्स्योरेन्सको १४ प्रतिशत संस्थापक शेयर सर्वसाधारणमा परिणत भएको छ । कम्पनीले शेयर स्वामित्व संस्थापकतर्फ ५१ र सर्वसाधारण तर्फ ४९ प्रतिशत कायम गर्न ३४ लाख ४० हजार ३२३ दशमलव ७३ कित्ता शेयर सर्वसाधारणमा परिणत गरेको हो । यस अघि कम्पनीमा संस्थापकतर्फ ६५ प्रतिशत र सर्वसाधारणतर्फ ३५ प्रतिशत शेयर स्वामित्व रहेको थियो । 

शेयर स्वामित्व परिवर्तन गर्ने निर्णय कम्पनीको गत वर्ष कात्तिक २४ गते सम्पन्न ३१ औं वार्षिक साधारण सभाले गरेको थियो । हाल यस कम्पनीको ३ अर्ब ८ करोड २६ लाख २६ हजार रुपैयाँ चुक्तापूँजी रहेको छ । सोहि चुक्तापूँजीको आधारमा अघिल्लो आर्थिक वर्ष २०७५÷७६ को लागि १७ दशमलव ५ प्रतिशत लाभांश वितरणको प्रस्ताव कम्पनीले गरेको छ ।

Read More
  • Financial Notices