जियोसँग नेटवर्क जुध्दा वाइम्याक्स बन्द



Kantipur Daily

भारतसँग सीमा जोडिएका जिल्लामा समस्या आएपछि टेलिकमले रोक्यो देशभर वाइम्याक्स विस्तार

काठमाडौँ — भारतीय टेलिकम कम्पनी रिलायन्स जियोसँगको नेटवर्क समस्याका कारण नेपाल टेलिकमले आठ वर्षअघि सुरु गरेको वाइम्याक्स प्रविधिमा आधारित इन्टरनेट सेवा रोकेको पाइएको छ । भारतसँग सीमा जोडिएका जिल्लामा देखिएको समस्या सम्बोधन गर्नुको सट्टा तीन वर्षदेखी देशभर वाइम्याक्स विस्तार रोकेको छ ।

महालेखा परीक्षकको कार्यालयले यो वर्ष तयार पारेको प्रतिवेदनमा यो विषय उठान गरिएको छ । प्रतिवेदनमा फ्रिक्वेन्सीमा जुध्न वा अवरोध हुन नदिन दूरसञ्चार प्राधिकरणले पर्याप्त अनुगमन नगरेको विषय औंल्याइएको छ । ‘नेपाल टेलिकमले वाइम्याक्स सञ्चालनका लागि तराईका जिल्लामा प्रयोग गरेको ब्यान्डविथ र भारतको जियो मोबाइलले जीएसएम फोरजीका लागि समान फ्रिक्वेन्सी ब्यान्ड प्रयोग गरेकाले इन्टरफेरेन्स (अवरोध) भई टेलिकमले वाइम्याक्स नै बन्द गरेको सम्बन्धमा प्राधिकरणबाट अनुगमन भएको देखिएन,’ प्रतिवेदनमा भनिएको छ ।

Read More
  • Financial Notices