राष्ट्रिय बीमा संस्थानले काठमाडौं महानगरपालिकामा कार्यरत कर्मचारीहरुको सामुहिक सावधिक जीवन बीमा गर्ने



Rato Pati

काठमाडौं– काठमाडौं महानगरपालिकामा कार्यरत कर्मचारीहरुको सामुहिक सावधिक जीवन बीमा गर्ने सम्वन्धमा महानगरपालिका र राष्ट्रिय बीमा संस्थान बीच संस्थानको प्रधान कार्यालय रामशाहपथमा एक सम्झौता भएको छ ।

सो सम्झौतामा काठमाडौं महानगरपालिकाको तर्फबाट प्रशासन विभाग प्रमुख नमराज ढकाल र संस्थानको तर्फबाट नायव महाप्रवन्धक महेश रिमालले हस्ताक्षर गरे ।

कार्यक्रममा बोल्दै महानगरपालिकाका प्रशासन विभाग प्रमुख नमराज ढकालले कर्मचारीहरुको हितमा संस्थानसँग जीवन बीमा जस्तो दुरगामी महत्वको सम्झौता गर्दा खुसी लागेको र संस्थानबाट गुण्स्तरीय सेवाको अपेक्षा राखेको उल्लेख गरे ।

संस्थानको तर्फबाट नायवमहाप्रवन्धक महेश रिमालले संस्थान आफूलाई समयानुकुल परिमार्जन गर्दै वित्तीय रुपले सक्षम, प्रविधिको दृष्टिले आधुनिकता तर्फ उन्मुख रहेको र बिमितहरुलाई आकर्षक बोनस प्रदान गर्न सदा प्रयत्नशील रहेको उल्लेख गरे ।

Read More
  • Financial Notices