सहयोगी विकास बैंकलाई प्राप्ती गर्ने प्रस्तावलाई अन्तिम स्वीकृती दिन सिटिजन्स बैंक इन्टरनेशनल लिमिटेड (CZBIL) ले विशेष साधारण सभा डाकेको छ।
बैंकले चैत १० गते अमृतभोग, कालिकास्थानमा दिउँसो १ बजे विशेष सधारण सभा डाकेको हो। सभामा सहयोगी विकास बैंकलाई १ बराबर ०.९१७५ कित्ता शेयर दिने गरी प्राप्ती गर्ने तथा सो सम्बन्धी सम्पूर्ण कार्यगरी प्रबन्धपत्र संशोधन गर्न सञ्चालक समितिलाई अख्तियारी दिने विशेष प्रस्ताव पारित गर्नेछ।
विशेष साधारण सभा प्रयोजनार्थ बैंकले चैत ३ गते एक दिनका लागि बुकक्लोज गर्ने भएको छ। साधारण सभा दिउँसो १ बजे शुरु हुने भएपनि उपस्थिति पुस्तिकामा दस्तखत गर्न शेयरधनी उपस्थिति पुस्तिका बिहान ११ बजेदेखि खुल्ला हुने बैंकले जनाएको छ।
