तोड्ने र जोड्ने बिचको द्वन्द्व जारी छ: अर्थमन्त्री


Aarthik News 2076-10-13


Aarthik News

काठमाडौँ । अर्थमन्त्री डा. युवराज खतिवडाले राजनीति र कर्मचारी बिचको द्वन्द्व नियमित प्रक्रिया रहेको बताएका छन् । सार्वजनिक वित्तीय व्यवस्थापन राष्ट्रिय गोष्ठीलाई सम्बोधन गर्दै अर्थमन्त्रीले राजनीतिकर्मीहरुले सजिलो गरी बजेट खर्च होस् भन्ने चाहना राख्ने गरेको बताएका हुन्। तर, कर्मचारीहरुले भने नीति नियममा मिल्छ कि मिल्दैन भनेर हर्ने गरेकाले यी दुईबिच द्वन्द्व हुनु स्वाभाविक रहेको बताएका छन् ।  

'बजेट व्यवस्थापनका सबै उपकरण हामी प्रयोग गर्छौ, त्यसमा प्रविधि र विधिको प्रयोग गछौँ । एक थरी साथीहरू त्यसलाई तोड्न खोजिरहेका छन् । किन तोड्न खोजिरहेका छन् भनेर हामीले राम्ररी बुझ्न सक्छौँ । यसलाई हामीले बलियो बनाउनु छ', उनले भने ।

उनले द्वन्द्व कम गर्ने विधि औँल्याउँदै भने, ‘७६१ वटा खर्चको आदेश दिने मान्छे भएपछि केही असजिलो त हुन्छ नै त्यसैले सजिलो बनाउने राम्रो विधि भनेको हामीले एउटा खाका तयार पारेर नियमावली अनुसार काम गर्‍यौँ भने द्वन्द्व सिर्जना हुँदैन ।' उनले अगाडी थपे, 'नीतिगतरुपमा हामी ठिक छैनौँ भने व्यवहार पनि ठिक हुँदैन । ’

Read More
  • Financial Notices